Talab ko ajar na doon, fikar-e-rahguzar na karoon

Talab ko ajar na doon, fikar-e-rahguzar na karoon!

Safar main ab ke hawa ko bhi hamsafar na karoon




Ubhartay doobtay sooraj se torr loon rishta

Main sham orh ke so jaon aur sahar na karoon



Ab is se barh ke bhala kya ho ehtiyat-e-wafa

Main tere sheher se guzroon, tujhe khaber na karoon!



Ye meray dard ki daulat, meri maata-e-firaaq

In ansu’on ki wazahat main umer bhar na kroon!



Ujar shab ki khalish ban ke bun main kho jaoon

Main chandni ki terha khud ko derbader na karoon!



Wo aik pal ko dikhai to de kaheen

Main jan gunwa ke bhi us pal ko mukhtasir na karoon...!!

Continue reading →

Tera Husn Ho, Mere Ishq Ho....!!!!

Tera Husn Ho, Mere Ishq Ho,
Toh Phir Husn-o-Ishq Ki Baat Ho,

Kabhi Main Milon Kabhi Tu Miley,
Kabhi Hum Milein Mulaqat Ho,

Kabhi Tu Ho Chup Kabhi Mein Hoon Chup,
Kabhi Dono Hum Chup Chaap Hoon,

Kabhi Gaftugu, Kabhi Tazkare,
Koi Zikar Ho, Koi Baat Ho,

Kabhi Wisal Ho Toh Din Ko Ho,
Kabhi Hijar Ho Toh Woh Raat Ho,

Kabhi Main Tera Kabhi Tu Meri,
Kabhi Ik Dujay K Hum Hoon,

Kabhi Sath Main Kabhi Sath Tu,
Kabhi Ik Dujay Ka Sath Ho,

Kabhi Jeet Ho Kabhi Maat Ho,
Kabhi Phool Ho Kabhi Dhool Ho,

Kabhi Yaad Ho Kabhi Bhool Ho,
Na Nashaib Hon, Na Faraz Hon,

Na Zameen Ki Koi Na Falak Ki Koi,
Na Hi Wajood Ho na Hi Zaat Ho,

Sirf Tera Husan Ho Mera Ishq Ho,
Meri Aankh Ho Teri Zaat Ho.....!!!!

Continue reading →

tu ban kay titlii gulaboon ki rahguzar main rah

tu ban kay titlii gulaboon ki rahguzar main rah

misal mooj-e-saba , khima-e-bahar main rah



agar pasand hoon sehra ki chandni raatin

tu mery dost mery dil ki rahguzar main rah



na cheen mujh sy rifakat ki dil nashen koshuboo

mery habib mery piyar kay hisar main rah




na in shareer nighahoon ki maan tu aay dil

hamra dil hay hamry hi aiktiyar main rah




dar band abhi sy na kar, diya na bujha

kuch aur der zara uskay intezar main rah




who dekh jheel main rahta hay jis tarhan mahtaab

tu meri jaan , meri chashm-e-ashkbar main rah

Continue reading →

meRi zindagi kisi aur ki

meRi zindagi kisi aur ki, mere naaM ka koi auR hai
mera aks hai sar-e-aaiina, pas-e-aaiina koi auR hai

meri dhaDkanoN meiN hai chaap-si, ye judaaee bhi hai milaap-si
muJhe kya pata, mere dil bata, mere saath kya koi auR hai

na gaYe diNo ko kHabar meri, na shareek-e-haal nazar teri
tere desh meiN, mere bhes mein, koi auR tha, koi auR hai

wo meRi taraF niGraan rahe, mera dhyaan jaaNe kahaN rahe
meri aanKh meiN kai soorateN, mujhe chaahta koi auR hai

Continue reading →

merii zindagii pe na muskaraa

merii zindagii pe na muskaraa mujhe zindagii kaa alam nahii.n
jise tere Gam se ho vaastaa vo Khizaa.N bahaar se kam nahii.n

meraa kufr haasil-e-zuud hai meraa zuud haasil-e-kufr hai
merii bandagii vo hai bandagii jo rahiin-e-dair-o-haram nahii.n

mujhe raas aaye Khudaa kare yahii ishtibaah kii saa_ate.n
unhe.n aitabaar-e-vafaa to hai mujhe aitabaar-e-sitam nahii.n

vahii kaaravaa.N vahii raaste vahii zindagii vahii marahale
magar apane-apane muqaam par kabhii tum nahii.n kabhii ham nahii.n

na vo shaan-e-jabr-e-shabaab hai na vo rang-e-qahar-e-itaab hai
dil-e-beqaraar pe in dino.n hai sitam yahii ki sitam nahii.n

na fanaa merii na baqaa merii mujhe ai 'Shakeel' na Dhuu.NDiye
mai.n kisii kaa husn-e-Khayaal huu.N meraa kuchh vujuud-o-adam nahii.n

Continue reading →

Sar-e-taq-e-jan Na Chiragh Hai

Sar-e-taq-e-jan Na Chiragh Hai,Pas-e-bam-e-shab Na Sehar Koi,
Ujab Ek Arsa-e-daraz Hai,Na Guman Hai Na Khabar Koi.

Nahin Aab To Koi Malal Bhi,Kisi Wapsi Ka Khiyal Bhi,
Gham-e-baikasi Ne Mita Diya,Meray Dil Main Tha Bhi Aagar Koi.

Tujhay Kia Khabar Ke Raat Bhar,Tujhay Daikh Paanay Ko Ek Nazar,
Raha Sath Chand Kay Muntazar,Teri Khidkion Ke Udhar Koi.

Sar-e-shakh-e-jan Teray Naam Ka,Ujab Ek Taza Gulab Tha,
Jisay Aandhi’on Se Khatar Na Tha,Jisay Tha Khizan Ka Na Daar Koi.

Teri Bairukhi Kay Diyar Main,Ghani Tairgi Ke Hisar Main,
Jalay Kis Tarah Se Chiragh-e-jan,Karay Kis Taraf Ko Safar Koi.

Katay Waqt Chahay Aazab Main,Kisi Khuaab Main, Ya Sarab Main,
Jo Nazar Se Door Nikal Giya,Usay Yaad Karta Hay Har Koi.

Sar-e-bazm Jitnay Chiragh Thay,Woh Tamam Ramz Shanas Thay,
Teri Chashm-e-khush Ke Lihaz Se,Nahin Bolta Tha Magar Koi.

Continue reading →

Agar mein bata don mein kia chahti hon

Agar mein bata don mein kia chahti hon
nazron say apni gira tou na doo gay

Jo mein chahti hon, woh tub bhi na chaho
Mujhey koi kari si saza tou na do gay

Mein mohabbaton mein jabar ki qayal nahin hon
Dil laga ker mujh ko bhula to na doo gay

Jo mein bata don meray mun main kia hay
Tum jahan mein tamasha bana to na do gay

Darti hon tum say mein raaz-e-dil sunatay
Tum hansi main baat ura to na do gay

Agar mein bata don mein kia chahti hon
Wafaon k badlay jafa to na do gay
Aur mujh hi say daman chura to na lo gay

Continue reading →

ek Din Aaye Ga Woh Skhas Hamara Ho Ga

Us ki Aankhon mein Mohabbat Ka Sitara Ho Ga
ek Din Aaye Ga Woh Skhas Hamara Ho Ga

Tum Jahan Mere Liye Sipiyan Chunti hogi
Woh Kisi Aur He Dunya ka kinara ho ga

Zindagi! ab k mera naam na shamil karna
gar yeh tai hai k yehi khel dubara ho ga

jis k honay se meri sans chala karti thi
kis trah us k bagair guzara ho ga

yeh achanak jo ujala sa hua jata hai
dil ne chupkay se tera naam pukara ho ga

Ishq Karta hai to din raat usay socna hai
aur kuch zehan mein aaya to khasara ho ga

yeh jo pani mein chala aaya sunheri sa garoor
us ne darya mein kahin paun utara ho ga

kaun rota hai yahan raat k sunaton mein
mere jaisa he koi hijar ka mara ho ga

mujh ko maloom hai junhi main qadam rakhun ga
Zindgi tera koi aur kinara ho ga

Jo meri Ruh mein badal se garjtay hain WASI
us ne seenay mein koi dard utara ho ga

kaam mushkil hai magar jeet he loon ga us ko
Mere Mola ka Wasi junhi Ishara Ho ga .

"WASI SHAH"

Continue reading →

KHUDA Ek Baar Usy Mera Bana De !!

KHUDA Ek Baar Usy Mera Bana De !!
Kitna Chahti Hoon Usy Koi Bata De !!

Bohut Naz Hai Humhe Apni Mohabbat Per !!
Ho Jaye Wo Mera Aisa Mojeza dikha De !!

Agar Wo Mera Naseeb Ban Nahi Sakta !!
Us Ke Kadmo ki Khak Mujhe Bana De !!

Her Pal dekhon Sirf Sapne Usi Ke !!
Na Jagon Mujhe Aisi Neend Sula De

Continue reading →

itnay gehray thai meri jaan rawabat tum se

itnay gehray thai meri jaan rawabat tum se torney chahay jo hum ne to ba-mushkil tootay
jo zamaney ki nigaahon se chupa rakhay thai waqt e aakhir wo ta’aluq sar e mehfil tootay



sar kiye ma’arka e zeest bari himmat se daagh daman pe kisi baat pe aaney na diya
tujh se izhaar e muhabbat bhi magar kar na sakay hoslay meray faqat teray muqaabil tootay



husn phoolon ka hii banta hai tabaahii ka sabab dosto khaar e mugheelan nahin nochay jatay
aap tareekh e gulistan utha kar dekhien is mein bus shaakh se gull deed ke qabil tootay



meray paikar main nazakat hai gulon kii aakhir main qaid hon aahanii zanjeer mein ik muddat se
azm e parwaaz mein phir bhi hai hararat itnii arsh chho loonga agar band e salasil tootay



koh e ghum teri muhabbat ka gira hai mujh par sang-raizon mein badal jana mera wajib hai
mit gaye hotay jo taklakht to acha hota yeh qyamat hai ke hum tootay paa til-til tootay



dast basta ya husainii kii dua hai ya raab umr bhar ashk bahaney ko na zinda rakhna
bhaij daina tu meray naam pe paigham e ajal is se pehlay ke muhabbat mein mera dil tootay

Continue reading →

Tu Mill Bhi Jata To Akhir Tujhey Gunva Detey

Diyar-e-Gher Mein Kaisey Tujhe Sada Detey
Tu Mill Bhi Jata To Akhir Tujhey Gunva Detey

Tumhi Ne Hum Ko Sunaya Na Apna Dukh Verna
Doa Vo Kertey K Hum Aasman Hilla Detey

Humein Ye Zo'um Raha Ab K Vo Pukarein Ge
Inhein Ye Zidd Thi K Har Baar Hum Sada Detey

Vo Tera Ghum Tha K Taseer Mere Lehjey Ki
K Jiss Ko Haal Sunaatey Ussey Rula Detey

Continue reading →

hum bhi khud dushman-e jaaN thay pehle…

hum bhi khud dushman-e jaaN thay pehle…

tum magar dost kahaN thay pehle…

ab wahaN khaak ooratee hai khizaaN…

phool hi phool jahaaN thay pehle…

ab jo deewar bunay baithay hain…

soorat-e mooj rawaaN thay pehle…

kuch sharabee keh hein ab rah nasheeN….

ronaq-e buzm-e maghaaN thay pehle…

hum keh hein aaj ghobaar puss-e ro…

munzil hum sufraaN thay pehle…

ab kise waza-e mohabbat ka khayal…

aur hi loag yahaan thay pehle…

ab to khudh per bhi nahin zaam-e wafa…

tujh se hum shikwa kinaaN thay pehle…

bun gya kafla chaltay chaltay …

wurna tunha hi rawaan thay pehle…

dolat-e ghum tau moyashar thi Faraz…

itne muflis bhi kahaan thay pehle………

Continue reading →

Poocha Kisi Ne Haal Kisi Ka To Roo Diye

Poocha Kisi Ne Haal Kisi Ka To Roo Diye
Paani Mein Aks Chand Ka Dekha To Roo Diye

Nagma Kisi Ne Saaz Pe Chhera To Hans Parey
Guncha Kisi Ne Shakh Se Toora To Roo Diye

Uurta Hua Gubar Sare e Raa Dekh Ker
Anjam Hum Ne Ishq Ka Soocha To Roo Diye

Badal Fiza Mein Aap Ki Tasveer Ban Gaye
Saaya Koi Khayal Se Guzra To Roo Diye

Rang e Shafak Se Aag Shagofon Mein Lag Gayi
Sager Hamarey Haath Se Chalka To Roo Diye

Continue reading →

Milo na tum milo lekin mohabbat muntazr ho gi..

Hamain tum bhool jao ge hamain maaloom hai lekin..

Palat kr jab b aao gy mohabbat muntazir hogi,

Kabhi bhoolay se he mujhko agar tum yaad kr betho..

Meri tasbeeh, tilawat aur ibaadat muntazir hogi,

Falak k paar ja utro samundar pr ja thehro..

Kisi k dasht-e-chahat ki imamat muntazir hogi,

Hamari aarzu jo hai tumhari dastaras mein hai...

Milo na tum milo lekin mohabbat muntazr ho gi..

Continue reading →

khush the kuch esay teri rafaqat k shoak me

Khush Thay Kuch Aisey Teri Rafaaqat Ke Shoq Mein
Manzil Ganwa Di Hum Ne Musaafat Ke Shoq Mein

Nafrat Hi Pehrey Daar Mili Har Makaam Par
Jiss Dar Pey Hum Gaey Hain Muhabbat Ke Shoq Mein

Hum Baargah-e-Ishq Mein Maqbool Yoon Huey
Khud Say Bicharr Gaey Teri Qurbat Ke Shoq Mein

Lotey Hain Abb To Saath Hai Ranj-o-Aalam Ki Bheerrh
Nikley Thay Ghar Say Ikk Musarrat Ke Shoq Mein

Apney Chaman Say Raabta Bilkul Nahin Raha
Sehra Noraad Ho Gaey Dolat Ke Shoq Mein

Daaman Mein Hasraton Ke Siwa Kuch Nahin bacha
Aisey Lutey Hain Hum Teri Chahat Ke Shoq Mein !

Continue reading →

Milo na tum milo lekin mohabbat muntazr ho gi..

Hamain tum bhool jao ge hamain maaloom hai lekin..

Palat kr jab b aao gy mohabbat muntazir hogi,

Kabhi bhoolay se he mujhko agar tum yaad kr betho..

Meri tasbeeh, tilawat aur ibaadat muntazir hogi,

Falak k paar ja utro samundar pr ja thehro..

Kisi k dasht-e-chahat ki imamat muntazir hogi,

Hamari aarzu jo hai tumhari dastaras mein hai...

Milo na tum milo lekin mohabbat muntazr ho gi..

Continue reading →

Munsoob thay ju loog

Munsoob thay ju loog meri zindagi kay saath
Akser wohi milay hain,bari bayrukhi kay sath


Youn tou main huns para hoon tumharey leye mager
kitnay sietary toot parey eik hunsi kay saath


Fursat mily tou apnaa gareeban bhi deakh lay
Aiey dost youn na khail meri baybusi kay saath


Mujborioun ki baat chali hay tu may hay kahan
Hum nay piya zher bhi akser khushi kay saath


Eaik sujda-e-Khloos kee qeemat fizia-e-Khuld?
Ya Rub na ker mazaq meri zindagi kay saath


Mohsin karam kii lay bhi hoo jis main khloos bhi
mujhko ghazab ka piyar hay us dushmani kay saath

Continue reading →

sochta hon aagahi k is safar ne kya diya?

sochta hon aagahi k is safar ne kya diya?
Khoon Jalanay k siwa mere hunar ne kya diya?
meri shak'on se lipat kar aasman tak cho liya
aur ab bailain ye kehti hain shajar ne kya diya?
jis ne apni har khushi ghar ki khushi par waar di
ek wehshat k ilawa us ko ghar ne kya diya?
kab wo shamil ho saka mere kisi ehsaas main
saath chalnay k siwa ek hamsafar ne kya diya?
umar k andhay safar main kaun rakhta hai hisaab
manzilon se kya mil hai rah guzar ne kya diya?
aarzoo'ain kis qadar karti thi dil par aitabaar
aarzoo'on ko dil e na mu'tabar ne kya diya?
shaad dil main har taraf ab khwahishon ka shoor hai
main ne apni ek tamana ko ubharnay kya diya?

Continue reading →

Mai jab bhi yaad ki shammay jala k rakhti hoo'n

Mai jab bhi yaad ki shammey jala k rakhti hoo'n
Ye meri zidd hai k aagey hawa k rakhti hoo'n

Mai tut sakti hoo'n lekin mai jhukk nahee sakti
Shikast e zaat mai pehloo anaa k rakhti hoo'n

Wo badba'n hai agar kashti e mohabbat ka
Mai badbaan se rishtey hawa k rakhti hoo'n

Nahee'n hai ghar mai teri yaad k alaawa kutch
To kiss k samney chaye bana k rakhti hoo'n

Tumharey khatt hain mehktey ghulab ki manind
Wo aur khiltey hain jitna chhupa k rakhti hoo'n

Jo kehna chahti hoo'n wo to keh nahee paati
Zuba'n pe tazkarey aab o hawa k rakhti hoo'n

Mai jaanti hoo'n k aana nahee kisi ne QAMAR
Magar mundair pe shammey jala k rakhti hoo'n

Continue reading →

tujh ko aate hii nahii.n chhupane ke andaaz abhii

tujh ko aate hii nahii.n chhupane ke andaaz abhii
mere siine me.n hai.n larzaa.N terii aavaaz abhii

us ne dekhaa hii nahii.n dard kaa aaGaaz abhii
ishq ko apanii tamannaao.n pe hai naaz abhii

tujh ko manzil pe pahu.Nchane kaa hai daavaa ham_dam
mujh ko anjaam nazar aataa hai aaGaaz abhii

kis qadar gosh-bar-aavaaz hai Khaamoshii-e-shab
ko_ii naalaa ki hai fariyaad kaa kaa dar_baaz ko_ii

mere chehare kii ha.Nsii rang-e-shikastaa meraa
tere ashko.n me.n 'Tabassum' kaa hai andaaz abhii

Continue reading →